پڕۆژەقانوونی دامەزراندنی دەوڵەتی ڕزگاریی کوردستان

ماددەی ١ ـ دامەزراندن

دەوڵەتی ڕزگاریی کوردستان، بە پێی دەستووری کۆماری کوردستان و بە بڕیاری کۆنگرەی نیشتمانیی کوردستان، وەک دەسەڵاتی نیشتمانیی گواستنەوەیی دادەمەزرێت.

ماددەی ٢ ـ ئامانج

ئامانجی دەوڵەتی ڕزگاری کۆتاییهێنان بە داگیرکاری، پاراستنی یەکپارچەیی خاک، یەکخستنی ئیرادەی نیشتمانی و ئامادەکردنی دامەزراوەکانی دەوڵەتی سەربەخۆی کوردستانە.

ماددەی ٣ ـ ماندات

مانداتەکە تەنیا بۆ قۆناغی ڕزگارییە و نابێ بە بیانووی ئەم مانداتە دەسەڵاتی هەمیشەیی یان تاکەکەسی دروست بکرێت.

ماددەی ٤ ـ پێکهاتە

دەوڵەت لە ئەنجومەنی ڕزگاری، دەزگای جێبەجێکردن، دەزگای دادوەریی گواستنەوەیی و دامەزراوەکانی بەرگری، دیپلۆماسی، دارایی و ئاسایشی نەتەوەیی پێکدێت.

ماددەی ٥ ـ چاودێری

دەوڵەت لەبەردەم کۆنگرە بەرپرسە؛ بودجە، بڕیارە گرنگەکان و بەکارهێنانی هێزی نیشتمانی دەبێ تۆمار، پشکنین و بە پێی پلەبەندی نهێنی بخرێنە ژێر چاودێری.

ماددەی ٦ ـ ماف و سنوور

هەموو دەسەڵاتێک پابەندە بە دەستوور، کەرامەتی مرۆڤ، دادگایی دادپەروەرانە و قەدەغەی سزا بەبێ قانوون. هیچ دۆخی نائاسایی ئەم بنەمایانە هەڵناوەشێنێتەوە.

ماددەی ٧ ـ کۆتایی ماندات

لە دوای ڕزگارکردنی خاک و جێگیرکردنی دامەزراوەکانی دەوڵەت، دەسەڵات بە پڕۆسەی دەستووری و هەڵبژاردنی ئازاد دەگوازرێتەوە و دەوڵەتی ڕزگاری کۆتایی بە مانداتەکەی دێنێت.